‘सरकारी अड्डा’ मा निश्चल र स्वस्तिमा (भिडिओ)

काठमाडौँ– सिनेमा होस् वा म्युजिक भिडिओ निश्चल बस्नेत र स्वस्तिमा खड्काको जोडीलाई दर्शकले निकै रुचाएका छन्। वास्तविक जीवनमा समेत सँगै जीवन बिताइरहेका निश्चल र स्वस्तिमाले अभिनय गरेका ‘कुटुमा कुटु’, ‘नाच फिरिरी’, ‘चट्ट रुमाल’, ‘तातो गोली’लगायत गीत चर्चित छन्।

बुधबार यो जोडीको ‘सरकारी अड्डा’ बोलको नयाँ गीतको भिडिओ सार्वजनिक भएको छ। दीपक शर्माको संगीत रहेको सरकारी अड्डामा रचना रिमाल र पदम राईले स्वर दिएका छन्। डिपी खनाल गीतका रचनाकार हुन्। कथात्मक शैलीमा तयार पारिएको गीतको भिडिओ निकेश खड्काको निर्देशनमा बनेको हो।

भिडिओमा निश्चल सैनिकको भूमिकामा देखिन्छन्। स्वस्तिमाले नर्स र सैनिक दुबै भूमिका निर्वाह गरेकी छन्। सुबोल थापाको नृत्य निर्देशन रहेको भिडियोको छायांकन मानकृष्ण महर्जन र बुद्ध थापाले गरेका छन्। भिडिओ विकास धमलाको सम्पादनमा बनेको हो।