हिमाल दोलखा हाइड्रोपावरले जेठ २२ गतेदेखि हकप्रद सेयर निष्कासन गर्ने

काठमाडौं । हिमाल दोलखा हाइड्रोपावर कम्पनीले ७५ प्रतिशत हकप्रद सेयर निष्कासन गर्ने भएको छ ।

कम्पनीले १ः०.७५ अनुपातमा १ करोड २० लाख कित्ता हकप्रद सेयर निष्कासन गर्न लागेको हो ।

हकप्रद सेयरमा जेठ २२ गतेदेखि असार १० गतेसम्म आवेदन दिन सक्नेछन् । वैशाख २७ गते बुक क्लोज गरिसकेका कारण २६ गतेसम्म कायम रहेका सेयरधनीले मात्रै आवेदन दिन सक्नेछन् ।

यसको बिक्री प्रबन्धकमा लक्ष्मी क्यापिटल रहेको छ । हकप्रद सेयरमा लक्ष्मी क्यापिटलका साथै हिमाल दोलखा हाइड्रोपावर, लक्ष्मी बैंकको इलाम शाखा कार्यालयबाट आवेदन दिन सकिन्छ । यस्तै धितोपत्र बोर्डबाट सीआस्वा सदस्य लिएका बैंक तथा वित्तीय संस्था र मेरो सेयरमार्फत आवेदन दिन सकिनेछ ।