नेपालमा रोयल इन्फिल्डको नयाँ मोडल ‘मिटिअर ३५० सीसी’ सार्वजनिक

काठमाडौं । एम भी दुगड ग्रुप अन्र्तगतको विवेक अटोमोवाइलस् प्रालिले रोयल इन्फिल्ड ब्रान्डले क्रुजर सिरिजमा नयाँ मोडलको मोटरसाइकल, मिटिअर ३५० सीसी सार्वजनिक गरेको छ ।मिटिअर ३५० सीसी अन्तर्गत फायर बल, स्टेलर, र सुपरनोभा गरी तीन भेरियन्ट रहेका छन्, जस्मा फायर बलको दुई, स्टेलरको तीन र सुपरनोभा को दुई अधिकारिक रङ्गहरु उपलब्ध हुनेछन् ।मिटिअर ३५० एउटा क्रुजर सिरिजको मोटरसाईकल हो, जसमा जे सिरिजको एयर आयल कुल्ड एसओएचसी, ईन्जिन छ । इन्धनको कार्यकुशलता को लागि इलेक्ट्रोनिक फ्युल इन्जेक्सनभएको मोटरसाइकलमा थप सुरक्षाको लागी डुअल च्यानल एबीएस पनि रखिएको छ ।

मोटरसाइकलमा टनर् टु र्टन नेभिगेसनको लागी गुगलसँगको सझेदारीमा बनाईएको ट्रिपरपोड र मोबाइल फोन चार्ज गर्नको लागी यूएसबी चार्जिङ पोर्ट पनि समावेश गरिएको छ ।विवेक अटोमोवाइल्स प्राली ले आफ्नो १९ वटै साखा तथा डिलरहरुमा मिटिअर ३५० सीसी बिक्री प्रवर्द्घन शुरु गर्ने भएको छ । बीएस भीआई संस्करण अन्तरगत क्रुजर सिरिजको मोटरसाइकलमा कम्पन घटाउनको लागी ब्यालेन्सर साफ्ट पनि राखिएको छ ।

मिटिअर ३५० सीसी अन्तर्गत फायर बल को मूल्य रु ६ लाख, स्टेलरकोो रु ६ लाख १७ हजार र सुपरनोभा को मूल्य रु ६ लाख ४५हजार राखिएको छ ।