प्रतिनिधि सभा सदस्य शर्माले गरिन् शपथग्रहण

काठमाडौं । प्रतिनिधि सभाकी समानुपातिक सांसद मञ्जु शर्माले शपथ ग्रहण गरेकी छन् ।

समानुपातिक निर्वाचन प्रणालीबाट प्रतिनिधिसभा सदस्य पदमा निर्वाचित शहनाज रहमानको निधन भएपछि रिक्त रहेको स्थानमा शर्मा सांसद बनेकी हुन् । उनलाई सभामुख देवराज घिमिरेले सिंहदरबारस्थित कानुन समितिको हलमा आज शपथ ग्रहण गराएका छन् ।

२०७९ सालको प्रतिनिधिसभा सदस्य समानुपातिक निर्वाचन प्रणालीअन्तर्गत जसपाबाट बन्दसूचीको क्रमसंख्या २ मा शर्माको नाम थियो ।