गीतकार गणेश उप्रेतीको ‘सँगै जिउने मर्ने कसम’ सार्वजनिक (लिरिकल भिडिओ)

काठमाडौं । गायिका मुना ठटालको आवाजमा सजिएको गीत ‘सँगै जिउने मर्ने कसम’ भिडिओसहित सार्वजनिक भएको छ ।

करुणा कँडेलको निर्माण रहेको लिरिकल भिडिओ एरिना इन्टरटेन्टमेन्ट यूटुब च्यानलमार्फत हिजो शुक्रबार सार्वजनिक गरिएको हो । गीतमा शब्द गणेश उप्रेतीको रहेको छ भने संगीत संयोजन न्हुछे महर्जनले गरेका छन् ।

रेडियो नेपालको आधुनिक गीत प्रतियोगितामा गायनतर्फ तेस्रो स्थान हासिल गर्न सफल सो गीतले दर्शकको मन अत्यधिक जित्ने विश्वास उनीहरूको छ । एक दशकदेखि गीत संगीतमा क्रियाशील रहेका गणेश उप्रेतीको ‘तिम्रो दिलको…’, ‘लगन जुरेर…’, ‘लाइदेउ माया…’, ‘नजरको गुलेली…’ जस्ता गीतहरू सार्वजनिक भइसकेका छन् ।

हेर्नुहोस् भिडिओ–