सानिमा रिलायन्स लाइफलाई कर्पोरेट वुमन्स विच क्रिकेट २०२४ को शीर्ष उपाधि

काठमाडौं । सानिमा रिलायन्स लाइफ इन्स्योरेन्सले कर्पोरेट वुमन्स विच क्रिकेट २०२४ को शीर्ष उपाधि हात पार्न सफल भएको छ ।

यही जेठ १८ र १९ गते रिभरसाइड रिसोर्ट कुरिनटारमा आयोजित उक्त टुर्नामेन्टको फाइनल खेलमा साविकको विजेता सिटिजन्स बैंकलाई हराउँदै सानिमा रिलायन्स लाइफको महिला क्रिकेट टीमले उक्त उपाधि हात पारेको हो ।

टुर्नामेन्टमा सानिमा रिलायन्स लाइफकै स्वस्तीका कार्कीले वेस्ट प्लेयर अफ द सिरिज, प्लेयर अफ द फाइनल तथा वेष्ट फिल्डरको अवार्ड समेत जित्न सफल भएकी थिइन् । साथै, विभिन्न खेलमा सानिमा रिलायन्स लाइफकै इलिसा थापा, विमला पन्त तथा स्वस्तीका कार्कीले प्लेयर अफ द म्याच अवार्ड जित्न सफल भएका थिए ।

विजेता टीमको क्यापटेन स्वेता सिंह र टीम म्यानेजर संगिता गिरी रहेका थिए । आयोजक एन इभेन्टस् रहेको उक्त वुमन्स विच क्रिकेट टुर्नामेन्टको पदकहरु जित्न सफल टीमलाई कम्पनीको तर्फबाट बधाई ज्ञापन गरेको जनाएको छ ।