पाल्पा– १ (२) मा एमालेका सारु निर्वाचित

काठमाडौँ । प्रतिनिधिसभा तथा प्रदेशसभा अन्तर्गत पाल्पा–१ (२) बाट  नेकपा एमालेका खेमबहादुर सारु प्रदेशसभा सदस्यमा विजयी भएका छन् ।

सारुले १४ हजार दुई सय ९६ मत ल्याएर विजयी भएका छन्। उनका प्रतिस्पर्धी नेपाली काँग्रेसका शङ्कर खनालले चार हजार सात सय ९१ मत पाएको सहायक निर्वाचन अधिकृत रामहरि पाण्डेयले जानकारी दिए।

मङ्गोल नेशनल अर्गनाइजेशनका लालबहादुर दर्लामीले दुई हजार ३१, राष्ट्रिय प्रजातन्त्र पार्टीका लक्ष्मणप्रसाद पङ्गेनीले तीन सय ७४, राष्ट्रिय जनमुक्ति पार्टीका टेकबहादुर रानाले एक सय ६५ मत पाएका छन्। प्रदेशसभा सदस्यमा २४ हजार ८६ मत खसेकोमा चार सय ९३ मत बदर भएको छ ।