सौर्य एअरलाइन्सका घाइते क्याप्टेन मनिष शाक्यको स्वास्थ्यवस्था कस्तो छ ?

बुधबार बिहान सौर्य एयरलाइन्सको विमान त्रिभुवन अन्तर्राष्ट्रिय विमानस्थल परिसरमा दुर्घटनाग्रस्त हुँदा सोही विमानका चालक शाक्यलाई घाइते अवस्थामा उद्धार गरिएको थियो

काठमाडौं । दुर्घटनामा घाइते हुनुभएका सौर्य एअरलाइन्सका क्याप्टेन मनिषरत्न शाक्यको स्वास्थ्य अवस्था सामान्य रहेको काठमाडौँ मेडिकल कलेजले जनाएको छ ।

अस्पतालका निर्देशक प्राडा मीना थापाले विज्ञप्ति जारी गर्दै उपचाररत केसीको स्वास्थ्यमा अन्य जटिलता नदेखिएको बताएका छन् ।

हिजो बुधबार बिहान सौर्य एअरलाइन्सको विमान त्रिभुवन अन्तर्राष्ट्रिय विमानस्थल परिसरमा दुर्घटनाग्रस्त हुँदा सोही विमानका चालक शाक्यलाई घाइते अवस्थामा उद्धार गरिएको थियो । विमानमा सवार अन्य १८ जनाको मृत्यु भइरसकेको छ ।

शाक्यलाई उद्धार गरी सिनामङ्गलस्थित काठमाडौँ मेडिकल कलेजको सघन उपचार कक्षमा उपचार सुरू गरिएको थियो ।

‘क्याप्टेन शाक्यको स्वास्थ्य अवस्था सामान्य छ । उहाँको अनुहार, आँखा, नाक तथा टाउकोमा चोट लागेको छ, ढाडको एउटा हड्डी साथै देव्रेपट्टीका तीन वटा करङ्ग भाच्चिएका छन्,’ अस्पतालद्वारा जारी विज्ञप्तिमा भनिएको छ ।

अस्पतालले विमान दुर्घटनामा मृत्यु भएकाप्रति दुःख व्यक्त गर्दै शोक सन्तप्त परिवारमा हर्दिक समवेदना व्यक्त गरेको छ ।

सौर्य एअरलाइन्सको विमान दुर्घटनामा को–पाइलट कटुवाल र यमनी नागरिकसहित १८ जनाको मृत्यु (नामसहित)

सौर्य एअरको जहाज दुर्घटनासम्बन्धी हेर्नुहोस् यी भिडिओहरू

जहाज दुर्घटनास्थलबाट क्याप्टेनको उद्धार