युरोप पठाइदिने भन्दै लाखौं ठगी गर्ने दुई जना पक्राउ

काठमाडौं । वैदेशिक रोजगारीमा आकर्षक तलबको प्रलोभनमा पारी सर्बिया र ग्रीस पठाइदिन्छु भन्दै रकम ठगी गरेको अभियोगमा दुई जना पक्राउ परेका छन् ।

पक्राउ पर्नेहरूमा काठमाडौं महानगरपालिका–१६ बस्ने ललितपुर, ललितपुर महानगरपालिका–८ घर भएका ४३ वर्षीया सजु श्रेष्ठ र काठमाडौं महानगरपालिका–२६ बस्ने पाल्पा रैनादेवी छहरा गाउँपालिका–६ घर भएका ३० वर्षीय नारायण लाम्ताङ्गे छन् ।

पक्राउ परेकामध्ये सजुले सर्बिया पठाइदिन्छु भन्दै तीन जनाबाट २० लाख रुपैयाँ र नारायणले ग्रीस पठाइदिन्छु भन्दै एक जनाबाट १६ लाख ५० हजार रुपैयाँ ठगी गरेको आरोप छ ।

रकम लिएपछि सम्पर्कविहीन भएका उनीहरूलाई पीडितहरूको उजुरीका आधारमा काठमाडौं उपत्यका अपराध अनुसन्धान कार्यालयबाट खटिएको प्रहरीले मङ्गलबार काठमाडौं महानगरपालिका–१६ बाट पक्राउ गरेको हो ।

उनीहरूलाई आवश्यक अनुसन्धान तथा कारबाहीका लागि वैदेशिक रोजगार विभाग पठाइएको प्रहरीले जनाएको छ ।

Shorts

रसुवाको बाढीमा बेपत्ता भएका १८ जनाको पहिचान खुल्यो

प्रधानमन्त्रीसँग स्पेन गएकाहरूलाई उतै सेटल गराइयो : सोबिता गौतम

सस्तोमा केयी ई–क्यूट ०२ कार

ज्ञानेन्द्र शाहीको प्रश्न– जीबी राईलाई लुकाउन सरकारले कति अर्बको डिल गर्‍यो ?

नेपाल–चीन सिमानाको मितेरी पुल बगायो

सबै पक्षलाई स्वीकार्य हुने मौद्रिक नीति ल्याउने तयारी

सुनचाँदी व्यवसायीले घोषणा गरे साताव्यापी आन्दोलन

श्रीलंकामा सुरु भयो स्टारलिंक

आकस्मिकबाहेकका सेवा ठप्प पारेर आन्दोलनमा उत्रिए चिकित्सक

नयाँ पार्टी खोल्ने एलन मस्कको घोषणा