सुर्खेतमा उपमेयरका उम्मेदवारले चड्दै आएको स्कारपियोमा आगजनी

काठमाडौं । गठबन्धनबाट वीरेन्द्रनगर सुर्खेतको उपमेयर पदका उम्मेदवार चड्ने गाडीमा आगजनी भएको छ। शुक्रबार राति उनी चड्ने गरेको बा १४ च ६८३१ नम्बरको स्कारपियोमा अज्ञात मसूहले आगजनी गरेको प्रहरीले जनाएको छ।

नगरपालिकाको मुख्य बजारक्षेत्रमा रहेको होटल सत्कारको अगाडी पार्किङमा राखिएको गाडीमा आगजनी भएको हो। यस्तै, जुम्लारोडको सेन्चुरी बैंक अगाडि रोकेर राखेको प्रदेश २–००१ ख ००६१ नम्बरका मिनी बसमा पनि आगजनी भएको जिल्ला प्रहरी कार्यालय सुर्खेतले जनाएको छ।

जिल्ला प्रहरी कार्यलय सुर्खेतका प्रमुख एसपी पदमबहादुर विष्टका अनुसार मिनी बस नेकपा एमालेले प्रचारप्रसारमा प्रयोग गर्दै आएको थियो । राति करिब २ बजे स्कार्पियो र मिनीबसमा आगजनी भएको प्रहरीले जनाएको छ ।