तस्बिरमा हेर्नुहोस् पहिलो दिनको एसईई परीक्षा

गत वर्ष २०८० को एसईई परीक्षामा चार लाख ६४ हजार ७८५ जना विद्यार्थी सहभागी भएका थिए । यस वर्षको परीक्षामा विद्यार्थीको सङ्ख्या ४९ हजार २८६ जना बढेको छ ।

काठमाडौं । माध्यमिक शिक्षा परीक्षा (एसइई) आजदेखि सुरू भएको छ ।

राष्ट्रिय परीक्षा बोर्ड, परीक्षा नियन्त्रण कार्यालयका अनुसार देशभरका दुई हजार ७९ परीक्षा केन्द्रबाट आज बिहान ८ बजेदेखि एसईई परीक्षा सुरू भएको हो ।

परीक्षा तालिकाअनुसार पहिलो दिन अनिवार्य अङ्ग्रेजी तथा संस्कृत वेदविद्याश्रमतर्फ अनिवार्य संस्कृत रचना र मदरसातर्फ अनिवार्य अरेबिक भाषा विषयको परीक्षा सञ्चालन भएको छ ।

यस वर्षको माध्यमिक शिक्षा परीक्षामा पाँच लाख १४ हजार ७१ जना विद्यार्थी सहभागी हुने पनि बोर्डले जनाएको छ । गत वर्ष २०८० को एसईई परीक्षामा चार लाख ६४ हजार ७८५ जना विद्यार्थी सहभागी भएका थिए । यस वर्षको परीक्षामा विद्यार्थीको सङ्ख्या ४९ हजार २८६ जना बढेको छ ।

परीक्षामा १५० जनासम्म परीक्षार्थी भएको केन्द्रमा एकजना सहायक केन्द्राध्यक्ष र २० जना विद्यार्थी बराबर एकजना निरीक्षक खटाउने प्रबन्ध गरिएको छ । परीक्षामा ७५ जनाभन्दा कम परीक्षार्थी भएको केन्द्रमा सहायक केन्द्राध्यक्ष नराखिएको कार्यालयले जनाएको छ ।

यस वर्षको एसईई आजदेखि सुरू भएर यही चैत १९ गतेसम्म सञ्चालन हुनेछ । परीक्षा बिहान ८ देखि ११ बजेसम्म सञ्चालन हुनेछ ।

तस्बिरहरू–

ईशानेश्वर मावि भोर्लेटार लमजुङमा बिहीबार एसईई परीक्षा दिँदै विद्यार्थीहरु ।

तारकेश्वर नगरपालिका-१० स्थित मनमैजुको मानसिहं धर्म माध्यमिक विद्यालय परिक्षा केन्द्रमा आज बिहीबारबाट सुरु भएको माध्यमिक शिक्षा परीक्षा एसइई दिन आएका विद्यार्थीहरु । देशभरबाट यस वर्षको एसइई परीक्षामा पाँच लाख १४ हजार ७१ जना विद्यार्थी सहभागी हुँदैछन् ।

कास्कीको पोखरा महानगरपालिका-२९ भण्ढारढिकस्थित जनप्रकाश माध्यमिक विद्यालय परीक्षा केन्द्रमा माध्यमिक शिक्षा परीक्षा (एसइई) दिन जाँदै विद्यार्थीहरू ।

चितवनको भरतपुर महानगरपालिका १० स्थित चितवन मावि परिक्षा केन्द्रमा माध्यमिक शिक्षा परीक्षा (एसइई) परीक्षा दिन प्रवेश गर्नुअघि लामबद्ध विद्यार्थीहरु ।

दाङको घोराही उपमहानगरपालिका-१८ स्थित श्री माध्यामिक बिद्यालय रझेना केन्द्रमा आज देखी सुरु भएको माध्यामिक शिक्षा परीक्षा (एसइई) मा सहभागी परीक्षार्थी । दाङमा ४७ केन्द्रमा १४ हजार दुई सय ८८ परीक्षार्थी सहभागी भएको शिक्षा बिकास तथा समन्वय ईकाइ दाङले जनाएको छ ।

त्रिजुद्र महावीर प्रसाद रघुवीर राम माध्यमिक विद्यालय बिर्तामा बिहीबारदेखि सुरु भएको एसइईमा सहभागी हुँदै विद्यार्थी । यो केन्द्रबाट चार सय २७ विद्यार्थी परीषमा सहभागी छन् ।

चितवनको भरतपुर महानगरपालिका–१० स्थित चितवन मावि परीक्षा केन्द्रमा बिहीबार माध्यमिक शिक्षा परीक्षा (एसइई) परीक्षा दिँदै विद्यार्थीहरु ।

सङ्खुवासभाको खादबारी नगरपालिका-१ स्थित हिमालय माध्यमिक विद्यालयमा आज देखि सुरु भएको माध्यमिक शिक्षा परीक्षा (एसइई) दिँदै विद्यार्थीहरु । जिल्लामा ३ हजार १ सय २० विद्यार्थीले एसइई परीक्षा दिँदै छन् ।