शेयर बजारमा ३७.८७ अंकको गिरावट

काठमाडौं । नेपाल स्टक एक्सचेञ्ज (नेप्से)मा साताको कारोबारको अन्तिम दिन आज बिहिबार दोहोरो अंकको गिरावट आएको छ । आज नेप्से ३७.८७ अंकले घटेर दुई हजार तीन सय ७६ दशमलब ७४ विन्दुमा झरेको हो । त्यस्तै, आज कारोबार रकममा पनि गिरावट आएको छ । आज दुई अर्ब ३० करोड १७ लाख बराबरको कारोबार सिमित भएको छ ।

बजार घटेपनि एक कम्पनीको शेयरमूल्यमा उच्च वृद्धि भएको छ । शेयरमूल्य बढ्ने कम्पनीमा नेपाल बङ्गलादेश बैंक रहेको छ । आज यस कम्पनीको शेयरमूल्य ९.९९ प्रतिशतले बढेर प्रतिकित्ता ३५४.६० रुपैयाँ पुगेको छ ।

नेप्सेका अनुसार आज कारोबार भएका कम्पनीहरुमध्ये तीन कम्पनीको शेयरमूल्यमा उच्च गिरावट आएको छ । शेयरमूल्यमा उच्च गिरावट आउने कम्पनीहरुमा ग्रिनलाइफ हाइड्रोपावर, मैलुङखोला जलविद्युत कम्पनी र हिमालयन पावर पार्टनर रहेका छन् । आज यस कम्पनीको शेयरमूल्य ७ प्रतिशत भन्दा बढीले घटेको छ ।

यस्तै, कारोबारको आधारमा आज सबैभन्दा बढी कारोबार प्रभु बैंकको भएको छ । यस बैंकको आज ९३ करोड भन्दा बढीको कारोबार भएको छ ।