शुक्रबार, जेठ १६, २०८२
कर्पोरट खबर
8:35 pm, बिहीबार, जेठ १५, २०८२
काठमाडौं । धितोपत्र बजारको दोस्रो बजारमा सरकारी ऋणपत्रको दोस्रो बजार कारोबार सुरू हुने भएको छ ।
आज बिहीबार संसदको संयुक्त बैठकमा आगामी आर्थिक वर्ष २०८२/८३ को बजेट प्रस्तुत गर्दै अर्थमन्त्री विष्णुप्रसाद पौडेलले सो जानकारी दिएका हुन् ।
उनका अनुसार गैरआवासीय नेपालीलाई दोस्रो बजारमा कारोबार गर्न अनुमति दिने व्यवस्थासमेत मिलाइनेछ ।
पुँजीबजारमा नागरिकको लगानी र हित संरक्षण गर्न धितोपत्र बोर्डको संस्थागत क्षमता सुदृढीकरणका साथै नेपाल स्टक एक्सचेन्जको पुनर्संरचना गरी संस्थागत क्षमता अभिवृद्धि गरिने मन्त्री पौडेलले बताए ।
यस्तै, धितोपत्र बजारमा सूचीकृत लगानी कम्पनी र अन्य संस्थागत लगानीकर्तालाई राष्ट्रिय प्राथमिकता प्राप्त उद्योगको स्वःपुँजी, ऋणपत्र र अन्य धितोपत्रमा लगानी गर्न सहजीकरण गरिने भएको छ ।
कर्मचारी सञ्चय कोष, नागरिक लगानी कोष र सामाजिक सुरक्षा कोषले प्राइभेट इक्विटी र भेन्चर्स क्यापिटलमा लगानी गर्न सक्ने गरी कानुनी व्यवस्था गरिने बजेटमा उल्लेख छ ।
FACEBOOK COMMENTS