नेप्सेमा गुराँस लाईफ इन्स्योरेन्सको शेयरमूल्य समायोजन

काठमाडौं । मंगलवार नेपाल स्टक एक्सचेञ्ज (नेप्से) ले गुराँस लाईफ इन्स्योरेन्स कम्पनी लिमिटेडको शेयरमूल्य समायोजन गरेको छ । नेप्सेले कम्पनीले प्रस्ताव गरेको ५ दशमलव ५० प्रतिशत बोनस शेयर प्रयोजनका लागि मूल्य समायोजन गरेको हो । कम्पनीको सोमवार कायम अन्तिम शेयरमूल्य रू. ६५२ को आधारमा नेप्सेले गुराँस लाईफको बोनस शेयरपछिको मूल्य रू. ६१८ दशमलव शून्य १ तोकेको हो ।

कम्पनीले  यस वर्ष बोनस शेयरसँगै कर प्रयोजनका लागि शून्य दशमलव २९ प्रतिशत नगद लाभांश वितरणको प्रस्ताव समेत गरेको हो । प्रस्तावित लाभांश सहित अन्य विविध प्रस्ताव पारितका लागि कम्पनीले मंसिर १० गते वार्षिक साधारण सभा बोलाएको छ ।

उक्त सभा प्रयोजनका लागि मंगलवार बुक क्लोज गरेकाले नेप्सेले बोनसपछिको मूल्य तोकिदिएको हो । बुक क्लोजकोे आधारमा सोमवारसम्म कायम शेयरधनीहरुले मात्र कम्पनीको लाभांश प्राप्त गर्न र सभामा भाग लिन सक्नेछन् । कम्पनीले आर्थिक वर्ष ०७६/७७ को मुनाफाबाट हाल कायम चुक्तापूँजी रू. १ अर्ब ९७ करोड ५५ लाख ८५ हजारको आधारमा लाभांश वितरण गर्न लागेको हो ।