जलविद्युत कम्पनीको आईपीओ रोक्न हुँदैन : देउवा

काठमाडौं । नेपाली कांग्रेसका सभापति शेरबहादुर देउवाले जलविद्युत कम्पनीहरूको आईपीओ रोक्न नहुने बताएका छन् ।

आज मङ्गलबार काठमाडौंमा आयोजित स्वतन्त्र ऊर्जा उत्पादकहरूको संस्था, नेपाल (इप्पान) को २३औं वार्षिक साधारणसभालाई सम्बोधन गर्दै देउवाले नेपाल धितोपत्र बोर्डले चाँडै आईपीओ निष्कासनको प्रक्रिया अगाडि बढाउने अपेक्षा रहेको पनि बताए ।

उनले भने, ‘शेयर निष्कासन रोकिएको कुरा सुनेँ । धितोपत्र बोर्डले चाँडै प्रक्रिया अगाडि बढाउनेछ भन्ने अपेक्षा छ । यस्तो प्रक्रिया रोक्नु हुँदैन ।’

देउवाले नेपालमा स्वदेशी तथा विदेशी लगानीकर्तालाई ढुक्कसँग लगानी गर्न सक्ने वातावरण सुनिश्चित गर्न आवश्यक रहेको बताए । उनले लगानीको प्रक्रिया सरल, सहज र पारदर्शी बनाउनुपर्नेमा जोड दिए ।

उत्पादित विद्युतको खपत र व्यापार सरकारको दायित्व भएको उल्लेख गर्दै उनले सो प्रक्रियामा निजी क्षेत्रको सहभागिता अपरिहार्य रहेको बताए ।

ऊर्जा क्षेत्र नेपालको लागि अत्यन्त महत्त्वपूर्ण रहेको उल्लेख गर्दै उनले देशको प्राकृतिक स्रोतको सही उपयोग गर्न ऊर्जा विकासमा प्राथमिकता दिनुपर्ने धारणा राखे ।

 

Shorts

सिद्धबाबा सुरुङमार्गको भौतिक प्रगति ५७ प्रतिशत

पहिलो नेपाली टक शो ‘ह्याप्पी शो अष्ट्रेलिया’ सार्वजनिक

मुस्ताङको कोराला नाका पूर्ण सञ्चालनमा ल्याउछौँ : प्रधानमन्त्री ओली

राजीनामा दिएका मन्त्री राजकुमार गुप्तालाई पक्राउ गर्न ज्ञानेन्द्र शाहीको माग

बरुण हाइड्रोपावरको हकप्रद शेयर बिक्री खुला

साउनदेखि सबै सरकारी भुक्तानी अनलाइनबाट हुने

आर्थिक सूचक सकारात्मक रहेको प्रधानमन्त्री ओलीको दाबी

बन्दीपुर केबलकारले आईपीओ ल्याउँदै

मौद्रिक नीतिले आर्थिक गतिविधि बढाउने सीएनआईको अपेक्षा

सिद्धार्थ बैंकको साढे २ अर्बको ऋणपत्र बिक्री खुला