बुधबार, असार ३२, २०८२
कर्पोरट खबर
10:29 am, बुधबार, असार ३२, २०८२
काठमाडौं । शाइन रेसुङ्गा डेभलपमेण्ट बैंक लिमिटेडले आज (असार ३२) देखि १० वर्षे अवधिको ८ प्रतिशत वार्षिक ब्याजदर भएको ‘शाइन रेसुङ्गा डिबेन्चर’ को निष्कासन तथा बिक्री सुरू गरेको छ ।
बैंकले यसअन्तर्गत कुल तीन अर्ब रुपैयाँको डिबेन्चर निष्कासन गरेको छ, जसमा प्रत्येक डिबेन्चरको अङ्कित मूल्य एक हजार रुपैयाँ छ ।
यस डिबेन्चर निष्कासनमा कुल १० लाख कित्ता डिबेन्चर उपलब्ध गराइएको छ, जसमध्ये ६० प्रतिशत (६० लाख कित्ता वा ६० करोड रुपैयाँ) व्यक्तिगत लगानीकर्ताहरूका लागि र ४० प्रतिशत (४० लाख कित्ता वा ४० करोड रुपैयाँ) सर्वसाधारणका लागि आरक्षित छन् । सर्वसाधारणलाई बिक्री गरिने डिबेन्चरको ५ प्रतिशत अर्थात् २० हजार कित्ता सामूहिक लगानी कोषका लागि छुट्याइएको छ ।
लगानीकर्ताहरूले न्यूनतम २५ कित्तादेखि अधिकतम ५ लाख कित्तासम्म डिबेन्चर खरिद गर्न सक्नेछन् ।
डिबेन्चरमा साउन ४ गतेसम्म आवेदन दिन सकिनेछ । तर, सम्पूर्ण डिबेन्चर बिक्री नभएमा यो अवधि साउन १४ गतेसम्म लम्बिनेछ ।
बैंकको ऋणपत्र निष्कासन तथा बिक्री प्रबन्धनको जिम्मा एनआईएमबी एस क्यापिटललाई दिइएको छ । लगानीकर्ताहरूले सी–आस्बा सेवामा आबद्ध बैंक तथा वित्तीय संस्था र मेरोशेयर एपमार्फत आवेदन दिन सक्नेछन् ।
इक्रा नेपालले बैंकलाई इक्राएनपी इस्युअर रेटिङ डबल बी प्लस प्रदान गरेको छ ।
FACEBOOK COMMENTS