शिवम् सिमेन्टलाई ‘बेष्ट म्यानेज्ड कम्पनी अवार्ड’ (भिडिओ)

काठमाडौं । नेपालको अग्रणी सिमेन्ट उद्योग शिवम् सिमेन्ट लिमिटेडले ‘बेष्ट म्यानेज्ड कम्पनी अवार्ड, २०२५’ प्राप्त गरेको छ ।

कर्पोरेट म्यागजिनले कम्पनीलाई सो अवार्ड प्रदान गरेको हो ।

बिहीबार काठमाडौंको लाजिम्पाटस्थित र्‍याडिसन होटेलमा आयोजित ‘कर्पोरेट बिजनेश अवार्ड, २०२५’ समारोहमा कम्पनीलाई सो अवार्ड प्रदान गरिएको कर्पोरेट म्यागजिनका संस्थापक सम्पादक उज्वलजंग शाहले जानकारी दिनुभयो ।

कार्यक्रमका प्रमुख अतिथि रक्षामन्त्री मानवीर राई, अवार्ड छनोट समिति संयोजक तथा नेपाल उद्योग वाणिज्य महासङ्घ (एफएनसीसीआई) की पूर्वअध्यक्ष भवानी राणा, कर्पोरेट मिडियाकी उपाध्यक्ष सुष्मा महरालगायतले कम्पनीका प्रबन्ध निर्देशक रघुनन्दन मारुलाई अवार्ड प्रदान गर्नुभएको थियो ।

शिवम् सिमेन्टबारे

शिवम् सिमेन्ट लिमिटेड नेपालको पहिलो ग्रीनफिल्ड सिमेन्ट उद्योग हो । गौरव गोयलको अध्यक्षतामा सञ्चालित शिवम् सिमेन्ट उद्योगमा रघुनन्दन मारु प्रबन्ध निर्देशक हुनुहुन्छ । उहाँ शिवम् सिमेन्टको मातृसंस्था जेबी मारु ग्रुपका उपाध्यक्ष पनि हुनुहुन्छ । प्रबन्ध निर्देशक मारुसँग खानी प्रशोधन उद्योगसम्बन्धी ३० वर्षभन्दा बढीको अनुभव छ ।

सन् २०११ देखि व्यावसायिक उत्पादन थालेको शिवम् सिमेन्ट उद्योग नेपालकै अग्रणी सिमेन्ट उद्योगका रूपमा स्थापित छ । यसले आफ्नै उच्च गुणस्तरको चुनढुङ्गा खानीबाट दैनिक ३० हजार टन सिमेन्ट र १९ हजार टन क्लिङ्कर उत्पादन गर्दै आएको छ । गुणस्तरको मामलामा कुनै सम्झौता नगर्ने अठोट लिएको उद्योगले अर्डिनरी पोर्टल्याण्ड सिमेन्ट (ओपीसी) मात्र उत्पादन गर्दै आएको छ । ओपीसी ४३ ग्रेडबाट उत्पादन थालेको शिवम् सिमेन्टले ओपीसी ५३ ग्रेड पछि थप गरेको हो । यस उद्योगले जर्मन प्रविधि तथा आधुनिक डिजिटल नियन्त्रण प्रणालीमार्फत उत्कृष्ट गुणस्तर सुनिश्चित गरेको छ ।

शिवम् सिमेन्ट ठूला पूर्वाधार परियोजनाहरूको पहिलो रोजाइ बन्दै आएको छ । शिवम् सिमेन्टका दुई ब्राण्ड छन्– शिवम् र शिवम् प्लस । उच्च कम्प्रेसिभ स्ट्रेन्थ भएको शिवम् प्लस सिमेन्ट विशेष संरचनामा प्रयोग गरिन्छ ।

शतप्रतिशत नेपाली लगानी रहेको शिवम सिमेन्ट सन् २०१५ मा पब्लिक लिमिटेडमा रूपान्तरण भई साधारण शेयर (आईपीओ) जारी गर्ने पहिलो सिमेन्ट उद्योगसमेत हो । शिवम् सिमेन्टले नेपाल सरकारको एनएस गुणस्तर चिह्न, आईएसओ प्रमाणपत्र र ब्युरो अफ इन्डियन स्ट्यान्डर्ड्स (बीआईएस) प्रमाणपत्र प्राप्त गरिसकेको छ । साथै ‘एनएस क्वालिटी अवार्ड २०१९’ समेत जित्दै आफूलाई उत्कृष्ट सिमेन्ट उत्पादनकर्ता प्रमाणित गरिसकेको छ ।

भारतबाट आयात हुने सिमेन्टमा निर्भर रहेको नेपाली बजारलाई गुणस्तरीय सिमेन्ट उपलब्ध गराएर शिवम् सिमेन्टले अन्य देशबाट हुने आयात घटाउन मद्दत गरेको छ, जुन नेपाली अर्थतन्त्रका लागि ठूलो योगदान हो ।

हेर्नुहोस् भिडिओ–