नेफ्स्कून पत्रकारिता पुरस्कार शोभित थपलियालाई प्रदान गर्ने घोषणा

काठमाडौं । नेपाल बचत तथा ऋण केन्द्रीय सहकारी संघ (नेफ्स्कून) ले यो वर्षको नेफ्स्कून पत्रकारिता पुरस्कार’ क्लिकमान्डु डटकमका संवाददाता सोभित थपलियालाई प्रदान गर्ने घोषणा गरेको छ ।

नेफ्स्कुनको ३६औं स्थापना दिवसको अवसरमा बिहीबार आयोजित कार्यक्रममा उक्त पुरस्कार घोषणा गरिएको हो । स्थापना दिवसमा घोषणा गरिएको पुरस्कार वार्षिक साधारणसभाका दिन प्रदान गरिने नेफ्स्कूनले जनाएको छ ।

थपलियाले विगत एक दशकदेखि आर्थिक तथा सहकारी क्षेत्रमा कलम चलाउँदै आएका छन् । नेफ्स्कूनले पत्रकारिताका माध्यमबाट सहकारीको प्रवर्द्धन एवं खबरदारीमा पुर्याएको योगदानको कदर गर्दै पुरस्कार दिने घोषणा गरेको जनाएको छ ।