सिद्धार्थ बैंकका ग्राहकले क्यापिटल अस्पतालमा छुट पाउने

काठमाडौं । सिद्धार्थ बैंकका ग्राहकले क्यापिटल अस्पतालमा छुट पाउने भएका छन् । बैंक र अस्पतालबिच छुट प्रदान गर्न सम्झौता भएको छ ।

सम्झौता अनुसार बैंकका ग्राहकहरुले पुत्तलीसडकस्थित क्यापिटल अस्पतालमा बैंकको कार्ड तथा मोबाईल बैंकिङ्ग सेवाबाट भुक्तानी गर्दा २० प्रतिशतसम्म छुट पाउनेछन् ।

सम्झौताले ग्राहकहरुलाई छुटको सुविधा उपलब्ध गराउनुका साथै नगद कारोबारबाट डिजिटल कारोबारमा जान पनि उत्प्रेरित गर्ने विश्वास बैंकले लिएको जनाएको छ ।

बैंकले डिजिटल भुक्तानीको प्रयोगलाई बढाउन र ग्राहकहरुलाई डिजिल माध्यमबाट भुक्तानी गर्न प्रोत्साहन गर्ने क्रममा केहि समय अघि मात्रै ‘सिद्धार्थ रिवार्डस’ नामक लोयल्टी सेवा पनि सञ्चालनमा ल्याएको छ ।