वरिष्ठ पत्रकार सीता पोखरेल सम्मानित

ललितपुर। प्रतिनिधि सभा तथा प्रदेश सभा निर्वाचन २०७९ को प्रचारप्रसारमा अहम भूमिका खेलेको भन्दै सितारा मिडीया नेटवर्क प्रालिका अध्यक्ष तथा समानता नेपाल डटकमका प्रधानसम्पादक सीता पोखरेल सम्मानित भएकी छन् ।

नेकपा एमाले महालक्ष्मी नगर १ नं वडा कमिटिद्धारा आज शुक्रबार आयोजित निर्वाचित जनप्रतिनिधिहरुलाई बधाई तथा सम्मान कार्यक्रममा नेकपा एमाले जिल्ला कमिटि अध्यक्ष तथा कार्यक्रमका प्रमुख अतिथि पुरुषोत्तम आचार्यले पोखरेललाई सम्मान पत्रसहित खादा, अविर र माला लगाएर सम्मान गरेका हुन् ।

समृद्ध नेपाल सुखी नेपालीको महान अभियानलाई साकार पार्न नेकपा एमालेको तर्फबाट २०७९ सालको प्रतिनिधि तथा प्रदेश सभा निर्वाचनमा उमेद्वार कामरेडहरुलाई विजय गराउनको निम्ति पत्रकारिताको माध्यमबाट जनतासामू अहोरात्र खटी महत्वपुर्ण भूमिका निर्वाह गरेको भन्दै उनलाई सम्मान गरिएको हो । नेकपा एमालेको तर्फबाट ललितपुर क्षेत्र नं २ प्रतिनिधिसभामा प्रेम महर्जन र प्रदेश सभा (१) मा रामेश्वर श्रेष्ठ निर्वाचित भएका छन् ।

पोखरेल विगत दुई दशकदेखि पत्रकारिता क्षेत्रमा क्रियाशिल छिन् । नेपाल पत्रकार महासंघ काठमाडौं शाखाको कार्यसमिति सदस्य, कोषाध्यक्ष हुदैं पूर्व उपाध्यक्षसमेत रहनुभएकी पत्रकार पोखरेल हाल प्रेस चौतारी नेपालका केन्द्रिय लेखा आयोग सदस्यसमेत हुन् ।