पोखरामा १६५ एम्पुल लागुऔषधसहित ६ जना पक्राउ

 पोखरा मंसिर २२,  कास्की प्रहरीले पोखराका विभिन्न स्थानबाट लागुऔषधसहित छ जनालाई नियन्त्रणमा लिएको छ । पोखरा महानगरपालिका-५ मालेपाटनबाट तीन जना, पोखरा -८ सृजनाचोकबाट दुई जना र पोखरा-९ पृथ्बीचोकबाट एक जना गरी मंगलबार छ जनालाई पक्राउ गरिएको कास्की प्रहरी प्रवक्ता, डिएसपी सुन्दर तिवारीले जानकारी दिनुभयो।

गोरखा पालुङ्टार -८ धुँवाकोट घर भएका रोशन काराखेती, आरुघाट गाउँपालिका -५ घर भएका बुद्ध कार्की र खोटाङ जिल्ला जन्तेढुंगा गाउँपालिका -५ घर भएका मिलन राई २७ एम्पुल लागुऔषधसहित मालेपाटनबाट पक्राउ परेका हुन् । प्रहरीले उनीहरुको साथबाट डाइजापाम -९ एम्पुल, फेनेरागन-९ एम्पुल र नुर्फिन -९ एम्पुल बरामद गरेको छ।

यस्तै सृजनाचोक बस्ने विश्व गिरी र पोखरा -१४ छिनेडाँडाका सुनिल परियार १०३ एम्पुल लागुऔषधसहित पोखराको सृजनाचोकबाट पक्राउ परेका छन् । उनीहरुको साथबाट डाइजापाम -३१ एम्पुल, नुर्फिन -३१ एम्पुल र फेनेरागन ३१ एम्पुल बरामद भएको प्रहरीले जनाएको छ छ।

पोखराको पृथ्वीचोकबाट ४५ एम्पुल लागुऔषधसहित एक युवक पक्राउ परेका छन् । कास्कीको माछापुच्छ्रे गाउँपालिका वडा नं -४ लाहाचोक घर भई पोखराको पृथ्बीचोक बस्दै आएका सुवास राना मगर डाइजापाम- १५ एम्पुल, नुर्फिन- १५ एम्पुल र फेनारगन- १५ एम्पुलसहित पक्राउ परेका हुन् । पक्राउ परेकाहरू विरुद्ध लागुऔषध सम्बन्धी मुद्दामा अनुसन्धान भइरहेको प्रहरीले जनाएको छ ।