बुधबार, फाल्गुन २०, २०८२
कर्पोरट खबर
9:55 pm, बुधबार, फाल्गुन २०, २०८२
काठमाडौँ । अमेरिका–इजरायल र इरानबीच जारी युद्ध आज पाँचौँ दिन इरानी युद्धपोत ‘आइरिस डेना’ लाई श्रीलङ्काको समुद्री क्षेत्र नजिक आक्रमण गरी डुबाइएको छ । श्रीलङ्काली सरकारका अनुसार उक्त घटनामा हालसम्म ८७ इरानी नौसैनिकको ज्यान गएको छ ।
अमेरिकी रक्षा मन्त्री पिट हेगसेथले हिन्द महासागर क्षेत्रमा अमेरिकी पनडुब्बीले टोरपिडो प्रहार गरी इरानी जहाज डुबाएको बताएका छन् । श्रीलङ्काको नौसेनाले ३२ जना घाइते नौसैनिकको उद्धार गरी अस्पतालमा भर्ना गरेको जनाएको छ ।
उक्त जहाजमा करिब १८० जना नौसैनिक सवार रहेको बताइएको छ । हराइरहेकाहरूको खोजीका लागि उद्धार कार्य जारी छ । यो युद्धपोत गत महिना भारतको विशाखापट्टनममा आयोजित अन्तर्राष्ट्रिय नौसैनिक समारोहमा सहभागी भएर फर्किँदै थियो ।
श्रीलङ्काली अधिकारीहरूका अनुसार बुधबार बिहान करिब ६ देखि ७ बजेको बीचमा सहयोगका लागि सन्देश प्राप्त भएको थियो । जहाज दक्षिणी श्रीलङ्काको गाले सहरबाट करिब ४० समुद्री माइल टाढा रहेको जनाइएको छ ।
FACEBOOK COMMENTS