स्टान्डर्ड चार्टर्ड बैंकको नाफासँगै प्रतिशेयर आम्दानी पनि घट्यो

काठमाडौं ।स्टान्डर्ड चार्टर्ड बैंकको नाफसँगै प्रतिशेयर आम्दानी पनि घटेको छ ।

बैंकले चालु आर्थिक वर्षको तेस्रो त्रैमाससम्ममा २ अर्ब १७ करोड ३७ लाख रुपैयाँ खुद नाफा कमाएको छ, जुन गत वर्षको सोही अवधिको तुलनामा ११.१७ प्रतिशतले कम हो । गत वर्षको सोही अवधिमा बैंकले २ अर्ब ४४ करोड ७१ करोड रुपैयाँ नाफा आर्जन गरेको थियो ।

बैंकको खुद ब्याज आम्दानी १७.३३ प्रतिशतले घटेर ३ अर्ब २४ करोडमा सीमित भएपछि खुद नाफामा पनि कमी आएको हो । खराब कर्जा २.१४ प्रतिशतबाट घटाएर १.४४ प्रतिशतमा सीमित गरेको छ ।

हाल यसको चुक्ता पुँजी १० अर्ब ४ करोड २३ लाख रुपैयाँ र जगेडा कोषमा ९ अर्ब ४२ करोड रुपैयाँ छ । बैंकको प्रतिसेयर आम्दानी ५ रुपैयाँ ७४ पैसाले घटेर २८ रुपैयाँ ८६ पैसामा आएको छ । यसको प्रतिशेयर नेटवर्थ २०८ रुपैयाँ ४० पैसा छ ।