आइतबार, मंसिर २८, २०८२
कर्पोरट खबर
3:39 pm, आइतबार, मंसिर २८, २०८२
काठमाडौं । साताको पहिलो कारोबार दिन आइतबार नेपाल स्टक एक्सचेन्ज (नेप्से) दोहोरो अंकले घटेको छ ।
बजार १२.५० अंकले घटेसँगै धितोपत्र दोस्रो बजार मापक नेप्से २५९४.८७ बिन्दु कायम भएको हो ।
आज कुल ३३० कम्पनीको कारोबार भयो, जसमा ५६ कम्पनीको मूल्य बढ्दा १९७ कम्पनीको घट्यो भने ६ कम्पनीको स्थिर रह्यो ।
बैंकिङ र म्युचुअल फन्डबाहेक सबै उपसमूह घटेका छन् । लाइफ इन्स्योरेन्सको सर्वाधिक ११५ अंक अर्थात् ०.८७ प्रतिशतले घटेको छ ।
यस दिन एक करोड १२ लाख ७२ हजार १६८ कित्ता सेयर ६० हजार ६९९ पटक किनबेच हुँदा चार अर्ब ७४ हजार रुपैयाँको कारोबार भएको छ ।
स्वस्तिक लघुवित्त र एसवाई प्यानल कम्पनीको मूल्य सकारात्मक सर्किट लागेको छ ।
सिटी होटेल र श्रीनगर एग्रिटेकका लगानीकर्ताले क्रमश: ६.२६ र ४.६५ प्रतिशत घाटा व्यहोरेका छन् ।
FACEBOOK COMMENTS