बुधबार, जेठ २०, २०८३
कर्पोरट खबर
3:27 pm, बुधबार, जेठ २०, २०८३
काठमाडौं । सेयर बजारमा सामान्य अंकको वृद्धि देखिएको छ । बुधबार बजार २.६६ अंक बढेको हो ।
यससँगै बजार २७८०.२५ विन्दुमा उक्लिएको छ । यसदिन १४९ कम्पनीको सेयर मूल्य बढेको छ । ११६ कम्पनीको सेयर मूल्य घटेको छ । ६ कम्पनीको मूल्य स्थिर रह्यो ।
बजारसँगै कारोबार रकममा वृद्धि देखिएको छ । पाँच अर्ब ७३ करोड ८१ लाख रुपैयाँ बराबरको सेयर खरिद बिक्री भएको छ । एक करोड ३५ लाख २१ हजार ६१९ कित्ता सेयर ६२ हजार १४८ पटकमा खरिद बिक्री भयो ।
कालिन्चोक हाइड्रो, एसबीएल डिबेन्चर, विजय लघुवित्त, सयपत्री हाइड्रो, नेपाल इन्स्यारेन्सलगायत कम्पनी उच्च कमाउने शीर्ष स्थानमा रहे ।
समूहगत सूचकतर्फ बैंकिङ, फाइनान्स, हाइड्रो पावर, इन्भेष्टमेन्ट र अन्य सूचक रातो देखिए । बाँकी समूहको सूचक बढेको छ ।
