सुनिता दुलालले ल्याइन् तीजकाे गीत परदेशी छोरी

काठमाडाैं– हरेक तीजमा नयाँ स्वादका गीत पस्कने गायिका सुनिता दुलालले यो वर्ष पनि तीज गीत सार्वजनिक गरेकी छन्।

तीज गीतको शब्द ज्योति गुरुङले लेखेकी छन् भने यसलाई जेजी क्रियसनको युट्युव च्यानलबाट सार्वजनिक गरिएको छ। सुरज लामिछानेको संगीत यस गीतमा छ। गीतको भिडियोलाई भने नेपाल बाहिर नै छायांकन गरिएको हो।

कुशल श्रेष्ठको निर्देशन, सम्पादन तथा छायाँकन रहेको उक्त भिडियोमा तेन्याङ रानाले नृत्य निर्देशन गरेकी छिन्।भिडियोमा गीतकार गुरुङसँगै, निरु कोइराला, आस्था जोशी, बिनु लामिछाने घिमिरे, रिमा कँडेल, गुरुङ रत्न, सरला पौडेल, सबु सेन, दिपिका श्रेष्ठ, दया गुरुङ, ममता राई, मुना राउत, काभ्या कृति, राधा गुरुङ, बिना राई, रोशन राई लगायतको अभिनय रहेको छ ।गीतमा आमा र परदेशमा रहेकी छोरीको कथालाई प्रस्तुत गरिएको छ ।