सपोर्ट लघुवित्तको सीईओमा महेश कुमार चौधरी नियुक्त

कठमाडौं । सुनसरीको इटहरीमा केन्द्रीय कार्यालय रहेको सपोर्ट लघुवित्त वित्तीय संस्था लिमिटेडको प्रमुख कार्यकारी अधिकृत (सीईओ)मा महेश कुमार चौधरी नियुक्त भएका छन् ।

लघुवित्त सञ्चालक समितिको गत शुक्रबार बसेको २१०औँ बैठकले चौधरीलाई यही मंसिर १५ गतेदेखि नै लागू हुने गरी सीईओ नियुक्त गरेको हो ।

सीईओ चौधरीको कार्यकाल चार वर्षको हुने छ । उनले मंसिर १५ गतेदेखि नै कार्यभार सम्हालिसकेको संस्थाका कम्पनी सचिव विष्णुकान्त चौधरीले जानकारी दिए ।