वायुसेवा निगमको महाप्रबन्धक नियुक्ति प्रक्रिया रोक्न सर्वोच्चको अन्तरिम आदेश

काठमाडौं । नेपाल वायुसेवा निगमको महाप्रबन्धक नियुक्ति प्रक्रिया रोक्न सर्वोच्च अदालतले अन्तरिम आदेश दिएको छ ।

निर्वाचन आचारसंहिता लागू भइसकेको अवस्थामा नियुक्ति प्रक्रिया अघि बढाइएको भन्दै चीरञ्जीवी उपाध्यायले दायर गरेको रिटमा सुनुवाइ गर्दै यस्तो आदेश दिएको हो ।

न्यायाधीश विनोद शर्माको एकल इजलासले उक्त प्रक्रिया रोक्न अन्तरिम आदेश दिएको हो । साथै संस्कृति, पर्यटन तथा नागरिक उड्डयन मन्त्रालयसँग कारण देखाऊ आदेश समेत माग गरेको छ।

पर्यटन मन्त्रालयका सचिवको नेतृत्वमा बनेको छनोट समितिले खुला प्रतिस्पर्धाबाट नियुक्तिका लागि गत ४ माघमा १० जनालाई सर्टलिस्ट गरेको थियो। ती उम्मेदवारसँग समितिले बुधबार र बिहीबार अन्तर्वार्ता तथा प्रस्तुतीकरण गरिसकेको छ। कार्यविधि अनुसार अब तीन जनाको नाम छनोट गरी मन्त्रिपरिषद्मा सिफारिस गरिने व्यवस्था छ।

सर्टलिस्टमा परेका उम्मेदवारहरूमा वरिष्ठ क्याप्टेन दिपु ज्वार्चन, ग्राहक सेवा विभाग प्रमुख टंकनिधि दाहाल, उपेन्द्रबहादुर कार्की, वेदप्रसाद उप्रेती, सञ्जयकुमार सिंह, डा दीपकप्रसाद बास्तोला, डा भीमबहादुर चन्द, योगराज कँडेल, विष्णुबाबु मिश्र, र सन्तुष्टकुमार बस्नेत रहेका छन् ।

Shorts

विदेशमा बस्ने नागरिकलाई पनि नागरिकता दिनुपर्छ

२३ गतेको घ*ट*नाले २४ गतेको अबस्था सिर्जना गरेको हो : रक्षा बम

हेलिकप्टरमा मुख्यमन्त्रीको वनभोज

देशलाई युक्रेन बनाउने ष*ड्य*न्त्र रचिदैछ: झलनाथ खनाल

निजी क्षेत्रका संरचना पुन: निर्माण भएमा फेरी ज*ल्दै*नन् भनेर सरकार ज्ञारेन्टी दिन्छ

जेन्जीले उठाएका माग जायज थिए

लगानीमैत्री नीति नहुँदा युवा विदेश पलायन भैइरहेका छन्

जेन्जी आ*न्दो*लनले पुराना दललाई पाठ सिकाएको छ

चितवन निलो क्रान्तिको उद्गम स्थल हो

ओलीको उखान टुक्कामा पीएचडी