बरिष्ठ सौन्दर्यविद् सुष्मा महरा सम्मानित

काठमाडौं । फेसियल हाउसकी प्रबन्ध निर्देशक सुष्मा महरा राष्ट्रिय सौन्दर्यविद् उत्कृष्ट सेवा सम्मान २०८१ बाट सम्मानित भएकी छिन् ।

काठमाडौं उद्योग वाणिज्य संघकी सचिव समेत रहेकी उद्यमी व्यवसायी बरिष्ठ सौन्दर्यविद् महरा सम्मानित भएकी हुन् ।

शनिबार राष्ट्रिय नाचघर जमलमा तिलक फिल्मस प्रालिको आठौं वार्षिकोत्सवको अवसरमा संघीय मामिला तथा सामान्य प्रशासनमन्त्री भानुभक्त जोशीले सौन्दर्यविद् महरालाई सम्मान गरेका हुन् ।

बिगत २६ बर्षदेखि निरन्तर सौन्दर्य क्षेत्रमा रहेर सामाजिक कार्यमा समेत सक्रिय सम्मानित महरा बरिष्ठ सौन्दर्यविद एवम् उद्यमी व्यवसायी हुन् । उनले व्यवसायिक रुपमा हुँदा खाने देखी हुने खानेसम्म र शुभकार्य, सौन्दर्य प्रतियोगिता, गीत संगीत देखी चलचित्रसम्मलाई सेवा प्रवाह गर्दै आएकी छिन् ।

फेसियल हाउसलाई बिस्तार गर्दै हालसम्ममा ८ वटा शाखा संजाल रहेका छन् ।