‘संयुक्त जनआन्दोलनको नीति शान्तिपूर्ण र भद्र अवज्ञा हो, प्रतिकारात्मक गतिविधि नगरियोस्’

काठमाडौं । संयुक्त जनआन्दोलन परिचालन समितिले राजसंस्था पुनर्स्थापनाका लागि सुरू गरिएको जनआन्दोलनको नीति शान्तिपूर्ण र भद्र अवज्ञा रहेको स्पष्ट पारेको छ ।

आन्दोलन सुरू भएकै दिन प्रहरीको दमन झेल्नुपरेको भन्दै समितिले शान्तिपूर्ण आन्दोलनमा कुनै पनि प्रकारको दमन नगर्न आग्रह गरेको छ ।

शुक्रबार साँझ समितिका तर्फबाट प्रवक्ता स्वागत नेपालले विज्ञप्ति जारी गर्दै भनेका छन्, ‘यस संयुक्त जनआन्दोलनको नीति शान्तिपूर्ण र भद्र अवज्ञा रहेको स्पष्ट गर्दछौँ । तर, सरकारले लिने दमनपूर्ण नीति र घुसपैठियाहरूमार्फत सञ्चालन गरिने प्रतिकारात्मक गतिविधिका विरुद्ध यो आन्दोलन अब सरकारले तोकिदिएको क्षेत्रमा मात्रै सीमित नरहने तथ्य पनि चेतावनीपूर्ण रूपमा जानकारी दिन चाहान्छौँ ।’

यो पनि पढ्नुहोस्–

आन्दोलन परिचालन समितिले भन्यो– जनआन्दोलन जनताकै नियन्त्रणमा हुन्छ, नेताको होइन