पाकिस्तानले दियाे इंग्ल्याण्डलाई १३८ रनकाे लक्ष्य

काठमाडाैं । टी–२० विश्वकप २०२२ को फाइनल खेलमा पाकिस्तानले इंग्ल्याण्डलाइ १३८ रकनकाे चुनाैती दिएकाे छ । टस हारेर ब्याटिंगकाे निम्ताे पाएकाे पाकिस्तानले निर्धारित २० ओभरमा ८ विकेट गुमाएर १३७ रन बनाएकाे हाे ।

पाकिस्तानकाे तर्फबाट सान मसुदले सर्बाधिक ३८ रन बनाए । त्यस्तै क्याप्टेन बबर अजमले ३२, सादव खानले २० र माेहम्मद रिवाजले १५ रन बनाए ।

इंग्ल्याण्डका सम करनले ३ र अलिद रसिद र क्रिस जाेर्डनले समान २\२ विकेट लिए । त्यसैगरी बेन स्टक्सले १ विकेट लिए ।

अष्ट्रेलियाको मेलबर्न मैदानमा हुने फाइनलमा इंग्ल्याण्ड र पाकिस्तानबीच भिडन्त भइरहेकाे छ ।

आज नेपाली समय अनुसार दिउँसो १ः४५ बजे बजे सुरु भएकाे हाे ।

केहि समयकाे ब्रेक पछि इंग्ल्याण्डले जवाफी ब्याटिंग गर्दैछ ।

इंग्ल्याण्डले बिहीबार भारतलाई हराउँदै फाइनल प्रवेश गरेको हो भने बुधबार पाकिस्तानले सेमिफाइनलमा न्युजिल्यान्डलाई हराएर फाइनल प्रवेश गरेकाे हाे ।

इंग्ल्याण्डले भारतलाई १० विकेटको पराजित गर्दै फाइनल प्रवेश गरेकाे हाे । पाकिस्तानले पनि गत वर्षकाे टी–२० विश्वकपमा भारतलाइ १० विकेटले हराएकाे थियाे ।

बिहिबार भारतले दिएकाे १६९काे लक्ष्य पछ्याएकाे बेलायतले १६ ओभरमा विना कुनै विकेट लक्ष्य भेटाएकाे थियाे । ठिक एक वर्ष अघि २४ अक्टाेबर २०२१ मा १५२ रनकाे लक्ष्य पछ्याएकाे पाकिस्तानले १७.५ ओभरमा विना कुनै विकेट जित हासिल गरेकाे थियाे ।

सेमिफाइनलमा भने पाकिस्तानले न्युजिल्यान्डलाई ७ विकेटले हराएकाे थियाे ।

इंग्ल्याण्ड र पाकिस्तानबीच टि-२० विश्वकपमा हालसम्म २ पटक भिड्न्त भएकाे छ । जसमा २ पटक नै इंग्ल्याण्डले जित हासिल गरेकाे छ ।

आजकाे फाइनल खेल जितेर दुवै टाेलिले दाेस्राे पटक टि-२० विश्वकपकाे उपाधी हत्याउने दाउमा रहेका छन् । पाकिस्तानले सन् २००९ र इंग्ल्याण्डले २०१० मा टि-२० विश्वकपकाे उपाधी हात पारिसकेका छन् ।

२००९ पछि पाकिस्तान पहिलाे पटक फाइनलमा पुगेकाे हाे भने १०१६ मा इंग्ल्याण्डले फाइनल खेलेकाे थियाे ।