जुनसुकै ब्राण्डका पुराना गाडीहरुसँग टाटाको नेक्सन म्याक्स साट्न सकिने

काठमाडौं । जुनसुकै ब्राण्डका पुराना गाडीहरूसँग टाटाको नेक्सन म्याक्स साट्न पाइने भएको छ ।

नेपालका लागि टाटा मोटर्सको एकमात्र अधिकारिक वितरक सिप्रदी ट्रेडिङ्ग प्रालिले पुराना गाडीहरूसँग टाटाको नेक्सन म्याक्स साट्न पाइने अवसर सृजना गरेको हो । त्यसका लागि सिप्रदी ट्रेडिङले आजदेखि काठमाडौंमा ‘म्याक्सचेञ्ज मेला’ आयोजना गरेको छ ।

मेलामा जुनसुकै ब्राण्डका पुराना गाडीहरुसँग टाटाको नेपालमा सर्वाधिक रुचाइएको टाटा नेक्सन म्याक्स साट्न सकिने कम्पनीले जनाएको छ । ग्राहकवर्गको परिवर्तित जीवनशैली र अत्याधुनिक सवारीहरूप्रतिको रुची तथा चाहनाहरूलाई दृष्टिगत गर्दै मेला आयोजना गरिएको कम्पनीको भनाइ छ ।

यही वैशाख १६ गतेसम्म टाटा मोटर्सको शोरुम थापाथलीमा सञ्चालन हुने म्याक्सचेञ्ज मेलामा टाटा नेक्सन इभी म्याक्सका लागि निःशुल्क फास्ट चार्जर, एक वर्षको अटोप्लस इन्स्योरेन्स, एक वर्षको सवारी कर, एक्सेसरिज तथा एक्सचेन्ज बोनसका साथै बम्पर उपहारमा आईफोन–१५ लगायतका आकर्षक उपहारहरू समेत राखिएका छन् ।