काठमाण्डौबाट पोखरा आउँदै गरेको माइक्रोबाट गाँजासहित किशोर पक्राउ

पोखरा मंसिर २९ ,  कास्की प्रहरीले ३ केजी गाँजासहित एक किशोरलाई पक्राउ गरेको छ। पोखरा महानगरपालिका -३२ मझुवास्थित सवारी चेकजाँचका क्रममा वडा प्रहरी कार्यालय गगनगौंडाबाट खटिएको प्रहरीको टोलीले काठमाण्डौबाट पोखरा तर्फ आउँदै गरेको बा ४ ख १६३८ नंवरको माईक्रो हाइसबाट किशोरलाई पक्राउ गरेको हो। पक्राउ पर्नेमा धादिङ जिल्ला निलकण्ठ नगरपालिका वडा नं -४ खानीगाउँ निवासी १८ वर्षीय युवक छन्।

पक्राउ परेका उनीमाथि लागु औषधसम्बन्धी कसुर अन्तर्गत आवश्यक अनुसन्धान भैरहेको प्रहरीले जनाएको छ।