आइतबार, चैत २२, २०८२
कर्पोरट खबर
8:00 pm, आइतबार, चैत १५, २०८२
काठमाडौँ । इरानको राजधानी तेहरानमा एक टेलिभिजन च्यानलको मुख्य कार्यालयमा हवाई आक्रमण भएको छ । प्राप्त जानकारीअनुसार उक्त आक्रमणमा अल अरबी टेलिभिजनको कार्यालयमा क्षति पुगेको छ ।
इरानी सञ्चार माध्यमका अनुसार आक्रमणबाट कार्यालय भवनसहित आसपासका संरचनामा पनि क्षति पुगेको छ । यस घटनामा मानवीय क्षतिबारे भने अहिलेसम्म आधिकारिक विवरण सार्वजनिक भएको छैन ।
यसैबीच इरानमा इन्टरनेट सेवा अवरुद्ध भएको अवस्था ३०औँ दिनमा पुगेको छ । निगरानी संस्थाका अनुसार नागरिकहरू करिब ६९६ घण्टादेखि बाहिरी विश्वसँग सम्पर्कविहीन रहेका छन् ।
अमेरिका र इजरायलको आक्रमणपछि इरानी सरकारले इन्टरनेट पहुँच लगभग पूर्ण रूपमा बन्द गरेको बताइएको छ । यसअघि पनि सरकारविरोधी प्रदर्शनका क्रममा केही सातासम्म यस्तै रूपमा इन्टरनेट सेवा बन्द गरिएको थियो ।
