सोमबार, साउन १२, २०८२
कर्पोरट खबर
1:52 pm, सोमबार, साउन १२, २०८२
काठमाडौं । थाइल्याण्डको राजधानी बैंककको एक खाद्य बजारमा अन्धाधुन्ध गोली चल्दा कम्तिमा ६ जनाको मृत्यु भएको छ ।
यसपछि आक्रमणकारीले आफैलाई पनि गोली हानेको द नेसन थाइल्याण्डले उल्लेख गरको छ ।
मृत्यु हुनेमा चार सुरक्षा गार्ड, एक महिला र गोली चलाउने व्यक्ति रहेको रिपोर्टमा उल्लेख छ । गोली लागेर घाइते भएका दुई महिलालाई अस्पताल लागिएको बताइएको छ ।
घटना सोमबार बैंककको प्रसिद्ध ओर तो कोर बजारमा भएको थियो । यो पर्यटकहरूमाझ धेरै लोकप्रिय छ ।
प्रहरीका अनुसार आक्रमणकारीको पहिचान नोईको रूपमा गरिएको छ। उनी घटनास्थलमै मृत फेला परेका थिए । आक्रमणकारीको मनसाय बारे स्पष्ट नभएको र अनुसन्धान भइरहेको बताइएको छ ।
यो गोलीबारी थाइल्याण्ड–कम्बोडिया सीमामा भइरहेको झडपसँग सम्बन्धित छ या छैन भन्ने पनि अनुसन्धान गरिरहेको प्रहरीले जनाएको छ ।
FACEBOOK COMMENTS