शुक्रबार, साउन ९, २०८२
कर्पोरट खबर
12:59 pm, बिहीबार, साउन ८, २०८२
काठमाडौं । थाइल्याण्डले कम्बोडियामा हमला गर्दा दुई थाई नागरिकको मृत्यु भएको छ ।
आफ्ना दुई नागरिकको मृत्यु भएको जानकारी थाइल्याण्डले दिएको हो ।
कम्बोडियाले थाइ गाउँको बीचमा दुईवटा बीएम–२१ रकेट प्रहार गर्दा दुई जना नागरिकको मृत्यु भएको बताएको हो । मृत्यु हुनेमा एक १२ वर्षीय बालक र एक वयस्क पुरुष रहेका छन् ।
थाइल्याण्डको सुरिन प्रान्तको काब चोएङका जिल्ला प्रमुखले ८६ गाउँका ३० हजार देखि ४० हजार मानिसहरूलाई सुरक्षाका लागि आश्रयस्थलमा सारिएको बताएका छन् ।
सीमाबारे विवाद बढेपछि दुवै देश एक अर्कामाथि आक्रमणमा उत्रिएका हुन् । यो विवाद एक दिनअघि सीमामा भएको बारुदी सुरुङ विस्फोटमा एक थाइ सैनिक घाइते भएपछि सुरू भएको बताइएको छ ।
थाइल्याण्डले कम्बोडियाबाट आफ्नो राजदूतलाई फिर्ता बोलाएको छ भने थाइ नागरिकहरूलाई कम्बोडिया छोड्न अपील गरेको छ ।
थाइल्याण्डको शिक्षा मन्त्रालयले थाइल्याण्डको सुरिन प्रान्तमा विवादित सीमा नजिकैका सबै विद्यालयहरू बन्द गरेको छ । साथै थाइल्याण्ड कम्बोडियासँगको सबै सीमा नाकाहरू बन्द गरेको छ ।
FACEBOOK COMMENTS