हिजो राजाका कारण प्रगती भएन भन्नेहरु आज ब्रम्हलुटमा मस्त छन् : कमल थापा

ललितपुर । हिजो राजाको कारण देश बिकास भएन भन्नेहरु नै आज ब्रम्हलुटमा मस्त भएको बताएका छन् । राजसंस्थालाई शोषक सामन्ती संस्था भनेर आरोप लगाउनेहरु आज सर्बसत्ताबादी भएर प्रकट भएको समेत थापाको आरोप छ ।

पार्टीको ललितपुर जिल्ला समितिद्वारा आज कुमारिपाटिमा आयोजित प्रशिक्षण कार्यक्रममा बोल्दै थापाले रोग, भोक,अशिक्षा, गरिबि र पछौटेपनको कारण राजसंस्था, एकात्मक शासन प्रणाली र हिन्दु धर्म भन्नेहरुले अब जवाफ दिनुपर्ने समय आएको समेत बताए ।

बिदेशिहरुले राजनितीक दलहरुलाई खेलाई राखेको , दबाब र प्रभाब बढाउदै लगेको चर्चा गर्दै राष्ट्रियता संकटमा पर्दा देशको अस्तित्व रक्षाको लागि हामिले राजा सहितको प्रजातन्त्रको एजेन्डा उठाएको समेत स्पष्ट पारे । राप्रपा नेपाल परिबर्तनको बिरोधि शक्ति नभएको परिबर्तन पक्षधर नै भएको तर निरन्तरता सहितको परिबर्तन जरुरी भएको समेत थापाले बताए ।

कुनै पनि देशले आफ्नो धर्म ,संस्कृती, मूल्य मान्यताको रक्षा बिना प्रगती नगर्ने भन्दै बिदेशी शक्तिले बोकाईदिएको भारी बोकेर देशको स्वाधिनताको रक्षा नहुने थापाको दाबी थियो । कार्यक्रममा डाक्टर बिष्णु भण्डारी ,राजाराम बर्तौला ूचुनेलीू सुदर्शन केशीले पनि बोलेका थिए ।