एकैदिन १९०० रूपैयाँले बढ्यो सुनको मूल्य, तोलाको कति पुग्यो ?

काठमाडौं । नेपाली बजारमा आज (बुधबार) सुनको मूल्उ बढेको छ ।

मंगलबार प्रतितोला एक हजार एक सय रूपैयाँले बढेको सुनको मूल्य बुधबार थप एक हजार नौ सय रूपैयाँले बढेको हो ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य प्रतितोला एक लाख ६० हजार रूपैयाँ कायम भएको छ ।

यसअघि मंगलबार छापावाल सुन प्रतितोला एक लाख ५८ हजार एक सय रूपैयाँमा किनबेच भएको थियो ।

यस्तै, बुधबार चाँदीको मूल्य पनि बढेको छ । आज चाँदी प्रतितोला एक हजार आठ सय ९५ रूपैयाँमा किनबेच भइरहेको छ ।

मंगलबार चाँदी एक हजार आठ सय ७५ रूपैयाँमा किनबेच भएको थियो । मंगलबारको तुलनामा बुधबार चाँदी प्रतितोला २० रूपैयाँले बढेको हो ।