कार्यवाहक प्रधानमन्त्रीको जिम्मेवारी गृहमन्त्री खाँणलाई

काठमाडौः कार्यवाहक प्रधानमन्त्रीको जिम्मेवारी गृहमन्त्री खाँणले पाएका छन्। राष्ट्रपति विद्यादेवी भण्डारीले गृहमन्त्री बालकृष्ण खाँणलाई कार्यवाहक प्रधानमन्त्रीको जिम्मेवारी तोकेकी छन् । राष्ट्रपति भण्डारीले देउवाको अनुपस्थितिमा दैनिक प्रशासनिक कार्य सञ्चालन गर्न गृहमन्त्री  खाँणलाई कार्यवाहक प्रधानमन्त्रीको जिम्मेवारी तोकेकी हुन् ।

प्रधानमन्त्री शेरबहादुर देउवाले गृहमन्त्री खाँणलाई आफ्नो अनुपस्थितिमा जिम्मेवारी दिएका हुन्। प्रधानमन्त्री शेरबहादुर देउवा आज बेलायत जाँदै छन्। उनी कार्तिक १८  गते मात्र स्वदेश फर्किने कार्यक्रम रहेको छ।

प्रधानमन्त्री देउवा नेतृत्वको प्रतिनिधिमण्डलमा वन तथा वातावरणमन्त्री रामसहायप्रसाद यादव, मुख्यसचिव शंकरदास वैरागी, परराष्ट्र मन्त्रालयका सचिव भरतराज पौड्याललगायत सहभागी रहेका छन्। पाँचौपटक प्रधानमन्त्री बनेका देउवाको यो पहिलो बिदेश भ्रमण हो।