काठमाडौंमा भदौ ११ गतेदेखि भेरोसेल खोपको दोस्रो डोज लगाइने

काठमाडौं, ९ भदौ ।  भदौ ११ गतेदेखि काठमाडौंमा भेरोसेल खोपको दोस्रो डोज दिइने भएको छ ।

पहिलो मात्रा लगाएको २१ दिन पुरा भएकालाई भदौ ११ गते १३ गतेसम्म दोस्रो मात्रा दिइने काठमाडौं महानगरपालिकाले विज्ञप्तिमार्फत जानकारी दिएको छ ।महानगरका ३२ वडामै खोप दिइने उल्लेख छ । काठमाडौं जिल्लामा भेरोसेलको पहिलो मात्रा लगाएका २ लाख १६ हजार जनालाई दोस्रो मात्रा लगाइने भएको छ । भदौ ५, ६ र ७ गते सार्वजनिक विदा परेकाले ९ गते दिइने भनेको खोप कार्यतालिकाअनुसार खोप नदिएर भदौ ११ गतेदेखि दिइने व्यवस्था मिलाइएको हो । भदौ ४ गतेदेखि सुरु भएको भेरोसेलको पहिलो मात्रा आज र भोलि पनि खोप अभियान सञ्चालन हुने जिल्ला स्वास्थ्य कार्यालयले जनाएको छ ।