यतीको दशैँ तिहार अफरअन्तर्गत बिजेता घोषणा

काठमाडौं। निजी वायुसेवा कम्पनी यती एयरलाइन्सले लागू गरेको धमाकेदार दशैं तिहार अफर अन्तर्गत बिजेता घोषणा गरेको छ। यो अफरअन्तर्गत जीतबहादुर खत्रीले स्कुटर प्राप्त गरेका छन्।

घटस्थापनादेखि छठ पर्वसम्म सेवा लिने यात्रुका लागि ल्याइएको अफरमध्ये उनी भाग्यशाली बिजेता बनेका हुन्। उनले पोखरा – काठमाडौं उडान गरेका थिए।

बुधबार कम्पनीको फेसबुक लाईभमार्फत आयोजित लक्की ड्र कार्यक्रमबाट खत्री लाई विजेता घोषणा गरिएको हो ।

बिजेता बनेसँगै उनले दुई लाख ६७ हजार ९ सय रुपैयाँ बराबरको यामाहा फ्यासिनो एफआई १२५ स्कुटर प्राप्त गरेका छन् ।

यो अवधिभर कम्पनीको उडान सेवा लिने मध्येबाट तीनजना भाग्यशाली विजेता छनोट भएको जनाइएको छ।

दोस्रो बिजेता भएका धुब्रराज भट्टराईले एक जोडीका लागि काठमाडौँ–दुबई– काठमाडौंको दुईतर्फी फ्रि टिकट प्राप्त गरेका छन् भने तेस्रो भाग्यशाली बिजेता सरुप्य सत्यालले हिराको टप प्राप्त गरेका छन्।

कम्पनीका अनुसार यो अफरको प्रथम पुरस्कारलाई यामाहा कम्पनी, दोस्रोलाई सस्तो टिकट अनलाइन र तेस्रोलाई श्री बालाजी डाइमण्डले प्रायोजन गरेको थियो ।

योजना अवधिभर (३५ दिनमा) एक लाख सात हजार ५५ जनाले यती एअरलाइन्समार्फत् देशका विभिन्न गन्तव्यस्थलमा यात्रा गरेको उडान सुरक्षा प्रमुख एवं प्रवक्ता सुदर्शन बर्तौलाले जानकारी दिए। कम्पनीले आउँदा दिनमा पनि यात्रुलक्षित अन्य योजनाहरु सार्वजनिक गर्दै जाने उनले बताए।