३५५ पुग्यो नेपालमा बाघको संख्या

काठमाडौं । विश्व बाघ दिवसको अवसरमा नेपालमा बाघको संख्या गणना भएको छ ।

बाघको संख्या यो वर्ष बढेर ३५५ पुगेको छ । विश्व बाघ दिवसको अवसर पारेर सार्वजनिक तथ्यांकअनुसार नेपालमा पछिल्लो ४ वर्षमा १२० बाघ थपिएका हुन् ।

सन् २०१८ मा नेपालमा २३५ बाघ थिए । अहिले ३५५ पुगेको छ । सबभन्दा धेरै चितवन राष्ट्रिय निकुञ्जमा १२८ वटा बाघ छन् भने बर्दिया राष्ट्रिय निकुञ्जमा १२५ वटा छन् । पर्सामा ४१, शुक्लाफाँटामा ३६ र बाँकेमा २५ वटा बाघ रहेका छन् ।