राष्ट्रपतिमा निर्वाचित भएपछि ट्रम्पले के भने ?

एजेन्सीकाे सहयाेगमा । रिपब्लिकन पार्टीबाट अमेरिकी राष्ट्रपतिका उम्मेदवार डोनाल्ड ट्रम्पले फ्लोरिडामा आफ्नो चुनावी अभियानको मुख्यालयमा उपस्थित नागरिकलाई सम्बोधन गरेका छन् ।

चुनावी नतिजा आफ्नो पक्षमा आएपछि ट्रम्प उत्साहित मुद्रामा सम्बोधन गरेको छन् । उनले फ्लोरिडामा भएको सम्बोधनकोक्रममा आजको दिनलाई आफ्नो जीवनको सबैभन्दा महत्वपूर्ण दिनको रूपमा सम्झने विश्वास व्यक्त गरेका छन् । उनले आफ्नो चार वर्षे कार्यकाल अमेरिकाका लागि स्वर्ण युर्ग गोल्डेन एज’ हुने बताएका छन् ।
उनले भने,‘ यो अमेरिकी जनताको लागि ठूलो विजय हो जसले हामीलाई अमेरिकालाई फेरि महान बनाउन सक्षम बनाउँछ। अमेरिकाले हामीलाई अभूतपूर्व र शक्तिशाली जनादेश दिएको छ ।’

रिपब्लिकन पार्टीले दुवै सदनमा सम्भावित जितलाई संकेत गर्दै उनले उक्त अभिव्यक्ति दिएका हुन् । श्रीमती मेलानियाका साथै परिवारका सदस्यहरुलाई धन्यवाद दिएका उनले जेडी भान्सलाई उपराष्ट्रपतिका रुपमा प्रस्तुत गरे । भान्सले पनि सम्बोधन गर्दै यो जित ठूलो राजनीतिक पुनरागमन भएको बताए ।

ट्रम्पले एलन मस्कको पनि निकै तारिफ गरे । उनी रिपब्लिकन पार्टीको ‘न्यू स्टार’ भएको बताउँदै ट्रम्पले भने, ‘मस्क वास्तवमै गज्जबका मान्छे हुन् ।’