आइतबार, कात्तिक ९, २०८२
कर्पोरट खबर
10:26 am, आइतबार, कात्तिक ९, २०८२
काठमाडौं । अमेरिकी राष्ट्रपति डोनाल्ड ट्रम्प मलेसियाको राजधानी क्वालालम्पुर पुगेका छन् ।
मलेसिया आइपुगेपछि ट्रम्पको स्वागत गर्न परम्परागत नृत्यको आयोजना गरिएको थियो, जहाँ उनले कलाकारहरूको समूहलाई पनि भेटे र उनीहरूसँग नाचगान गरे ।
मलेसियामा राष्ट्रपति ट्रम्पले थाइल्याण्ड र कम्बोडियाबीच लामो समयदेखि चलिरहेको सीमा विवाद समाधान गर्न शान्ति सम्झौताको हस्ताक्षर समारोहमा भाग लिनेछन् ।
ट्रम्पको व्यापारिक दबाबका कारण जुलाईको अन्त्यमा दुई देशहरू (थाइल्याण्ड र कम्बोडिया) बीच पाँच दिनको द्वन्द्वपछि युद्धविराम भएको थियो जसमा दुई दर्जनभन्दा बढी व्यक्तिको मृत्यु भएको थियो ।
त्यस्तै मलेसियामा ट्रम्पले दक्षिणपूर्वी एसियाली राष्ट्रहरूको संघ (आसियान) शिखर सम्मेलनमा पनि भाग लिनेछन् ।
धेरै देशहरूले डोनाल्ड ट्रम्पको हप्ता लामो एसिया भ्रमणलाई नजिकबाट हेरिरहेका छन् । यस भ्रमणको क्रममा, उनले चिनियाँ राष्ट्रपति सी जिनपिङसँग पनि भेट गर्नेछन् ।
FACEBOOK COMMENTS