दाङमा बेपत्ता दुई युवती मृत फेला

काठमाडौँ । दाङको बबई नदीमा नुहाउन गएका बेला हिजो दिउँसो बेपत्ता भएका दुई किशोरी आइतबार बेलुकी मृत अवस्थामा फेला परेका छन् ।

घटना भएको दंगीशरण गाउँपालिका वडा नम्बर २ का वडा अध्यक्ष डम्बर खत्रीका अनुसार उनीहरूको शव स्थानीयले आज बेलुकी फेला पारेका हुन् ।

डुबेको ठाउँदेखि झन्डै डेढ किलोमिटरको दूरीमा करिब १० मिटर गहिराइमा दुई जनाको शव एकै ठाउँमा घोप्टो परेको अवस्थामा फेला परेको वडा अध्यक्ष खत्रीले जानकारी दिए । दुवै जना नुहाउने क्रममा शनिवार दिउँसो डुबेर बेपत्ता भएका थिए ।