विमान दुर्घटना हुँदा दुई पाइलटसहित चार जनाको मृत्यु

 

यूएई ।  संयुक्त अरब इमिरेट्स (यूएई) को राजधानी अबुधाबीमा शनिबार विमान दुर्घटना हुँदा दुई पाइलटसहित चार जनाको मृत्यु भएको छ ।

अबुधाबी प्रहरीको एयर एम्बुलेन्स दुर्घटना हुँदा पाइलट खामिस सइद अल होली, नसेर मुहम्मद अल रशिदी, डा शहिद फारोक घोलम र नर्स जोल कि साकारा मिन्टोको मृत्यु भएको हो ।

दुर्घटनापछि अबुधाबी प्रहरीको मुख्यालयले स्वास्थ्य टोलीका सदस्यहरुको मृत्युप्रति दुस्ख व्यक्त गरेको छ । अबुधाबी प्रहरीले ट्वीटरमार्फत पनि दुर्घटनाबारे जानकारी दिएको छ ।