अल्टिमा लाइफस्टाइल बन्यो अहिले सम्मको छिटो कारोबार वृद्धि गर्ने नेपाली एसेसरिज ब्रान्ड

काठमाडौँ । अल्टिमा लाइफस्टाइल, तीव्र गतिमा वृद्धि भईरहेको नेपाली एसेसरिज ब्रान्डले सन् २०२२ को तुलनामा सन् २०२३ मा ७ सय प्रतिशतले वृद्धि गरी सबै रेकर्ड तोडेको छ ।

यस वर्ष दुई सफल अभियान र नौ नयाँ उत्पादनहरू सार्वजनिक गरे लगतै, अल्टिमा लाइफस्टाइलले पछिल्लो समय नेपाली बजारमा विशिष्ट स्थान बनाएको छ ।यी सबैलाई पछ्याउँदै अल्टिमाले यस वर्षको ‘दराज सेलर समिट २०२३’ मा दराजको प्रतिष्ठित ‘सेलर अफ द इयर २०२३’ अवार्ड पाएको हो ।

कम्पनीले नयाँ उत्पादनहरू, अभियानहरू, र पहलहरू सुरु गरेर नवीनता र प्रतिक्रियात्मकता प्रदर्शन गरेको छ ।

अल्टिमा लाइफस्टाइलले सन् २०२३ मा दाराजमा अत्यधिक २६ हजार अर्डरहरू प्राप्त गरेको छ, जसमा नोभेम्बरमा मात्र उल्लेखनीय १३ हजार अर्डरहरूसहित, त्यस महिनामा अन्य विक्रेताहरु माझ उच्चतम अर्डरहरूको लागि रेकर्ड कायम गरेको छ ।

कम्पनीको कुल व्यापारिक मूल्यगत वर्षको तुलनामा २०२३ मा ७ प्रतिशतले असाधारण वृद्धि गरि व्यापारको बलियो प्रदर्शन गरेको छ ।

अल्टिमा लाइफस्टाइलले निरन्तर सुधार र विस्तारको लागि आफ्नो प्रतिबद्धतालाई सुदृढ गर्दै, वार्षिक कारेबारमा वृद्धि गरेको छ ।

अल्टिमा लाइफस्टाइल नेपालको सबैभन्दा छिटो अघि बढिरहेको वेरेवल एसीसोरीज (पहिरन योग्य) ब्रान्ड हो ।