यी पाँच एजेण्डामा छलफल गर्न एमालेले बोलायो स्थायी कमिटी बैठक

काठमाडौं । नेकपा एमालेले आज (बिहीबार) स्थायी कमिटी बैठक बोलाएको छ । एमालेका कार्यालय सचिव शेरबहादुर तामाङका अनुसार दिउँसो ३ बजे तुल्सीलाल प्रतिष्ठानमा बैठक बस्नेछ ।

एमालेले स्थायी कमिटी बैठकका लागि पाँच वटा एजेण्डा तयार पारेको छ । यो बैठकको मुख्य एजेण्डा आगामी महाधिवेशन नै रहेको छ ।
मंसिर १० देखि १२ गतेसम्म १० औँ राष्ट्रिय महाधिवेशन तय भएको छ । कात्तिक ६ गते वडा र कात्तिक ९ मा पालिका अधिवेशन हुँदैछ । बिहीबारको बैठक यो विषयमा केन्द्रित रहेर घनिभुत रुपमा छलफल हुने बताइएको छ ।

राष्ट्रिय महाधिवेशनको समीक्षा पनि गरिनेछ । एमालेको प्रथम विधान महाधिवशेन असोज १५ देखी १७ गतेसम्म भएको थियो । असोज अन्तिम सातादेखिको अविरल वर्षापछिको बाढीपहिरोले ९२ जनाको ज्यान गएको छ भने धानबाली नष्ट भएको छ । यो विषयमा पनि स्थायी कमिटीमा छलफल हुने बताइएका छ ।