आइतबार, मंसिर १४, २०८२
कर्पोरट खबर
12:48 pm, बुधबार, कात्तिक १९, २०८२
काठमाडौं । नेकपा (एकीकृत समाजवादी)का महासचिव घनश्याम भुसालले माओवादीसहितको नौ समूहको एकताले निकास नदिने टिप्पणी गरेका छन् ।
बुधबार पत्रकार सम्मेलन गरेर उनले ’ओरालो लागेकाले उकालो लागिन्छ’ भन्ने भाष्य बनाउन खोजेको बताए । “ओरालो लागेकाहरूको एकताले उकालो लागिन्छ भन्ने भाष्य बनाउन खोजिँदै छ । जो आफैँ ओरालो हिँड्दै छन् । यसले निकास दिँदैन,” उनले भने ।
उनले वाम आन्दोलनका लागि एमाले कसैको विकल्प नभएको पनि बताए । “एमाले चाहिँ निकास हो भनेर हामीमाथि मान्छेले प्रश्न गर्नेछन् । निसन्देह: नेकपा (एमाले) आज वाम आन्दोलनका लागि कसैको विकल्प होइन । फासिजमको नाजिजमको केही केही हेर्दाखेरि उग्र व्यक्तिवाद, उग्र निरंकुशता, क्रूरता,” उनी भन्छन् ।
उनले कम्युनिस्ट आन्दोलनभित्रको डरलाग्दो प्रवृत्ति एमालेभित्र रहेको बताए । “त्यसले पार्टी फोड्छ । तोड्छ, प्रश्न उठाए निकाल्दिन्छ । मुलुकलाई त्यसैगरी चलाउन चाहन्छ । राष्ट्रको भविष्यमाथि आफ्नो लाहाछाप चलाउन चाहन्छ,” उनी भन्छन् ।
FACEBOOK COMMENTS