शनिबार, असोज १८, २०८२
कर्पोरट खबर
3:01 pm, शनिबार, असोज १८, २०८२
विराटनगर । पाँचथरको कुम्मायक गाउँपालिकामा भएको बोलेरो दुर्घटनामा मृत्यु हुनेको सङ्ख्या ६ पुगेको छ ।
पाँचथरबाट यात्रु बोकेर धरान तर्फ आउँदै गरेको बोलेर दुर्घटना हुँदा मृत्यु हुनेको सङ्ख्या ६ पुगेको पाँचथरका प्रमुख जिल्ला अधिकारी अरुण पोख्रेलले बताए ।
उनका अनुसार ३ जना पुरुष र ३ जना महिलाको मृत्यु भएको हो । उनीहरूको पहिचान भने खुलिसकेको छैन ।
दुर्घटनामा परि ६ जना घाइते भएका छन् । घाइते मध्ये ५ जनालाई उपचारका लागि धरान स्थित बिपी कोइराला स्वास्थ्य विज्ञान प्रतिष्ठान पठाइएको पोख्रेलले बताए ।
उनीहरूको अवस्था गम्भीर रहेको छ। एक जनालाई भने उपचारका लागि जिल्ला अस्पताल पाँचथर लगिएको छ ।
पाँचथरको कुम्याक गाउँपालिका यात्रु लिएर धरान आउँदै गरेको बोलेरो गाडी भिरबाट तमोर नदीमा खसेको थियो ।
मे १ ज ३०५५ नम्बरको बोलेरो गाडी शनिवार दिउँसो सडक छेउबाट ५ सय मिटर तल तमोर नदी किनारमा खसेपछि प्रहरी र स्थानीयले उद्धार गरेका थिए ।
FACEBOOK COMMENTS